يتبقي أقل من 24 ساعة علي موعد بدء امتحانات الثانوية العامة، ولهذا السبب نوفر لكم فيما يلي دعاء لطلاب الثانوية العامة بالتوفيق في حل الامتحان، وتجدون دعاء قصير لطلاب الثانوية العامة والعديد من الأدعية الأُخري التي لها أثرٌ طيب علي النفس، وتبعث بالطمأنينة والسكينة والوقار والدقة في الحل والتوفيق من الله -سبحانه وتعالي- بالامتحان إن شاء الله.
- التزم بأذكار الصباح والمساء، وأذكار الخروج من المنزل
دعاء اللهم وفق طلاب الثانوية العامة
- رب أشرح لي صدري، ويسر لي أمري، واحلل عقدة من لساني يفقهوا قولي، بسم الله الفتاح.يا الله يا معلم موسى علمني، ويا مفهم سليمان فهمني، ويا من أتيت لقمان الحكمة وفصل الخطاب أتني الحكمة وفصل الخطاب.
- اللهم أجعل لساني عامرًا بذكرك وقلبي بخشيتك وأسراري بطاعتك، إنك على كل شيء قدير وحسبنا الله ونعم الوكيل.
- اللهم ألهمني علمًا اعرف به أوامرك، واجتنب به نواهيك، وأرزقني بلاغة فهم النبيين وفصاحة حفظ المرسلين، اللهم أرزقني سرعة إلهام الملائكة المقربين، وعلمني أسرار حكمتك.
دعاء لطلاب الثانوية العامة بالتوفيق و النجاح تويتر
تجدون فيما يلي بوستات ادعية لطلاب الثانوية العامة يارب وفق طلاب الثانوية دعاء اخر سنة ثانوية:
- يا حي يا قيوم يارب موسى وهارون ونوح وإبراهيم وعيسى ومحمد صلى الله عليه وسلم، سهل لي كل صعب ويسير لي أمري.
- اللهم لا سهل إلا ما جعلته سهلًا، وأنت تجعل الحزن إذا شئت سهلًا.
- اللهم ذكرني ما نسيته من العلم يا أرحم الراحمين.
نصائح هامة لأولياء الأمور الثانوية العامة فترة الاختبارات
يلزم علي أولياء الأمور محاولة محاكاة الامتحان لأبنائهم حتي يكون الوضع سهل عليهم، وذلك من خلال إعطائه امتحان مع تحديد وقت 3 ساعات، ثم قم بالتصحيح، ليعمل هذا علي كسر رهبة الامتحان لديه، لكن لا تعنفه أو تعاقبه علي درجته، وابعث في نفسه الطمأنينة والأمل.
نصائح هامة لطلاب الثانوية العامة قبل دخول الامتحان غداً
بخصوص اول امتحان و اي امتحان بعد كدة ..
- اول يوم هتلاقي الدنيا زحمة و في توهان و اجهزة تفتيش و تعليمات من كل حتة متخافش من حاجة انت اسد حاول تروح بدري عشان تخش بدري و متتوترش ..
- و انت داخل المدرسة هتلاقي اصحابك او اي مجموعة واقفة تراجع مع بعضها و معاهم ملازم و حاجات جامدة كدة و بيقولوا معلومات غريبة سيبك منهم و متراجعش معاهم و متراجعش مع حد الا لو حد بيحضر معاك كل الدروس من اول السنة و عارفه كويس البيست بتاعك يعني وسيب ١٠ دقايق قبل الامتحان متراجعش فيهم حاجة خالص ، اشرب مياه و خش الحمام ده مهم جدا ..
- الامتحان هيبدأ هتلاقي ناس بتحاول تغش و تعمل دوشة و ناس تانية بتعيط و ناس تانية بتتخانق مع المراقبين و محاضر غش، متركزش غير فامتحانك و بس كأنك قاعد لوحدك و امسك اعصابك مهما حصل و مهما كان شكل الامتحان لأنك عامل اللي عليك و زيادة.
- لو اتيحت ليك فرصة غش انا بقولك اهو متغشش و سيبها ع ربنا هيكافئك ع ده اوي اوي والله ، اقرا السؤال كويس مرتين و بعدين حل و بعدين اقراه مرة كمان بالحل بتاعه
- هتخرج م اللجنة هتلاقي شوية عيال بتراجع و اصحابك جايين يراجعوا معاك ، متراجعش مع حد نهائي و انسي اللي حصل و فكر فالمادة الجاية
- بعد الامتحان هتلاقي عيال ع السوشيال بتقول ده اسهل امتحان فالدنيا يعم ازاي تغلط فيه ، و ناس تانية بتقولك كدة احلامنا ضاعت و مش هنلحق حاجة ، سيبك من اي كلام لأن الاتنين بيكدبوا و متفتحش سوشيال بعد الامتحان خالص ولا تكتب بوستات صيااح نهائي
- متقولش رأيك فالامتحان خالص لأنك ممكن تحبط حد تاني مهما كان رأيك ، وفره لنفسك منه راحة بال و توفير وقت ليك كدة كدة رأيك مش هيغير حاجة
- نماذج الاجابة هتنزل الاول من المدرسين و بعدين من النموذج الاصلي بتاع الكنترول ، متراجعش معاهم نهااااائي و انسي لأنك كدة كدة مش هتقدر تغير حاجة انت عملت اللي عليك و خلاص
- مهما كان اللي عملته فالامتحان انساااه خالص انت تعبت و مكنش فأيدك تعمل اكتر من كدة ، هتقعد تحسب درجات و ربنا هيكرمك بدرجات تانية خالص والله ثق فيه بس و اتعب للمادة الجاية عشان ربنا يكرمك فيها
حبيبي كلنا مقدرين مجهودك و تعبك و الظروف اللي مريت بيها خلال السنة و فرحانين بيك والله ، عملت ايه و هتعمل ايه فالامتحان دي حاجة مش فأيدك فمتخافش منها ، انت عملت اللي عليك و زيادة .. ثق فربنا اكتر .. هيكرمك متقلقش ❤
بقلم (Dr/Kareem S.Mostafa)